1.అంతట నచికేతుడు
పరమ బుధ్ధిమంతుడు
యమునిపట్ల ప్రీతుడు
కోరదొడగి నాడు
2. పొరబడి నాతండ్రిని
నేను తప్పెంచితిని
వారి కోపవహ్నిని
చల్లబరచవే
3. ఇదే మొదటి వరముగ
ఒసగవే శీఘ్రముగ
నా వేదన తొలగగ
ఓ యమదేవా
4. మరల నన్ను చూడగ
ఆనందము నిండగ
నా తండ్రికి మెండుగ
ఓ యమదేవా
5. నీ వనుగ్రహింపుము
నాకు మేలు కూర్చుము
లేదు నీ కసాధ్యము
ఓ యమదేవా
6. అనియెను నచికేతుడు
పరమ బుధ్ధిమంతుడు
కడు మెచ్చెను యముడు
తల యూచినాడు
7. మెచ్చ దగిన కోరిక
కోరితి విదె బాలక
నీకు సాటి లేరిక
ఓ నచికేతా
8. తొలగ గలదు కోపము
తొలగ గలదు తాపము
కలుగ గలదు శాంతము
ఓ‌నచికేతా
9. నిన్ను గాంచి జనకుడు
కడుగడు సంతసపడు
స్వీకరించ త్వరపడు
ఓ నచికేతా
కామెంట్‌లు లేవు:
కామెంట్‌ను పోస్ట్ చేయండి
ఏ మంటారూ?