అరెరె అరెరె ఓ కూనలమ్మా!

అన్యులది పొరపాటు
జిలేబిది చొరబాటు
భళి నీకు గ్రహపాటు
ఓ కూనలమ్మా

లోకవిదిత సత్యము
పొరపాట్లవి సహజము
గడబిడ ధూర్తత్వము
ఓ కూనలమ్మా

నిన్ను తా నెరుగునట
అన్యగా మెరుగునట
ఎంత విరుగబాటట
ఓ కూనలమ్మా

అటు పొరబడ్డారని
ఇటు చొరబడ్డారని
లోక మెఱుగదా యని
ఓ కూనలమ్మా

అవి పగటి వేషాలు
మొన్నటి సమోసాలు
జిలేబి తమాషాలు 
ఓ కూనలమ్మా

కూనలమ్మ అన్నసూక్తం

నమస్కరించు మెతుక్కి
దొరికినది దని బతుక్కి
అదిలేక మనికి హుళక్కి
ఓ కూనలమ్మా

పండించిన హస్తాలను
తలచి నమశ్శతాలను
భక్తి నిడిన చాలును
ఓ కూనలమ్మ

వండి యమృతాన్నాలను
వడ్డించిన హస్తాలను
మెచ్చుకొనిన చాలును
ఓ కూనలమ్మా

వేళ కింత తిండిని
పెట్టిన భగవంతుని
నుతించుట మంచిపని
ఓ‌ కూనలమ్మా

మెతుకుపట్ల వినయము
కలిగియున్న ననయము
మెతుకులిన్ని నిశ్చయము
ఓ‌ కూనలమ్మ

తనువు పెంచునది మెతుకు
మనసు నించునది మెతుకు
దాన్ని గౌరవించి బ్రతుకు
ఓ కూనలమ్మ

అన్నమే సర్వము
అన్నమే జీవము
అన్నమే దైవము
ఓ కూనలమ్మ

అన్న సూక్త మిదేను
తెలిసుకొన్న సరేను
భగవంతుడు మెచ్చేను
ఓ కూనలమ్మ

కత్తిరిక్కా ఎవళో కూనలమ్మా

వరూధినిలో
కత్తిరిక్కా ఎవళో అంటే
వంకాయ ధరెంతో అంటా
మరింకేం బోధపడదే తంటా
ఓ కూనలమ్మా

వరూధినిలో
తెచ్చి నిఘంటు పదావళి
గుచ్చినచో పద్యావళి
మెచ్చదుగా సుజనావళి
ఓ కూనలమ్మా

చాకిరేవులో
ఎంత ఓడినా బుధ్ధి వచ్చునా
అంతకంతకూ పిచ్చి హెచ్చునా
చింత చచ్చినా పులుపు చచ్చునా
ఓ కూనలమ్మా

లోలకం‌బ్లాగులో
నేటితరం తెలుగువాడు
తెలుగు చదవలేని వాడు
అదే మన తెలుగు గోడు
ఓ కూనలమ్మా

 

కొన్ని కూనలమ్మ పదాలు

శ్యామలీయంలో
తోలుమంద మా కాదు
కాలగ్నానమా లేదు
ఏలాగు రాదు చేదు
ఓ కూనలమ్మా.

శ్యామలీయంలో
ఒకటి చాలు విగ్నానం
ప్రకటించు కాలజ్ఞానం
వికటవిద్య లజ్ఞానం
ఓ కూనలమ్మా

శ్యామలీయంలో
ఎన్నదగిన మాట
విన్నకోట మాట
వెన్నలాంటి దంట
ఓ కూనలమ్మా

మంచిమాటకు వచ్చు
అంచితముగ మెప్పు
మంచిమనసుల నుండి
ఓ కూనలమ్మా


శ్యామలీయంలో
నిర్మలాతి నిర్మలం
శర్మగారి మానసం
ధర్మతత్పరం సుమా
ఓ కూనలమ్మా"

కష్టేఫలీలో
భువిని ఘంటసాల వారు
శివరంజనిలో హుషారు
అవతరింప జేసారు
ఓ కూనలమ్మా

ప్రజ్ఞలో
ముందు వెనుక లెరిగి కాస్త
హుందాగా వ్యవహరిస్తే
ఎందు కతను జగన్ చెప్పు
ఓ కూనలమ్మా

తెలిసుంటే బాధ్యతలే
తలబిరు సిం తుండేదా
తలరా తి ట్లుండేదా
ఓ‌ కూనలమ్మా

పల్లెప్రపంచంలో
జనం తీర్పు చెప్పినా
వినీ వినదు వైకాపా
మన కామెం ట్లింకెందుకు
ఓ కూనలమ్మా

రచ్చబండలో
అజాగళస్తనసగోత్రుల
గుజగుజ లెట్లాగున్నా
నిజం నిజంగా నిజమే
ఓ కూనలమ్మా

రమ్యంగాకుటీరానలో(బ్లాగులో‌ ఇంకా కనిపించదు)
ఉండం డుండం డుండండి
పండా కాటమ రాయుండా
నిండా సందేహ మాయొ
ఓ కూనలమ్మా

మలుపు బుక్స్‌లో
వతురాననుడి చతురసృష్టిలో
అతులిత శక్తిసమన్విత యైనా
అతివకు బ్రతుకే అనుదినయుధ్ధం
ఓ కూనలమ్మా

అటు దుర్జన భక్తగణం - ఇటు నిస్సహాయ జనం

అటు బాబా లిటు భక్తులు
అటు లీలలు నిటు గోలలు
ఎటుపోతున్నా మమ్మా
ఓ కూనలమ్మా

అటు కేసులు నిటు శిక్షలు
అటు దుర్జన భక్తగణం
ఇటు నిస్సహాయ జనం
ఓ కూనలమ్మా

పాపాలపుట్టపగిలి
రేపిష్టుకు శిక్ష్హేస్తే
కోపాగ్నిజ్వాలలటే
ఓకూనలమ్మా

మందబలం‌ బాబాలకు
వందనాల సందుసందు 
మందిరాల దేశమాయె
ఓ కూనలమ్మా

గాలివాటుగా వచ్చిన
వేలకొద్ది బాబాలను
నేల మోయ లేకుందే
ఓ కూనలమ్మా