8, సెప్టెంబర్ 2017, శుక్రవారం

నచికేతుడు - 2


1. తత్త్వవిదుడు  ధీరుడు
బాలుడు నచికేతుడు
వచ్చినపుడు కాలుడు
పురము నందు లేడు

2. నచికేతుడు వేచెను
మూడు నాళ్ళు గడచెను
యముడు తిరిగివచ్చెను
నిజపురము చొచ్చెను

3. అతిథి  అగ్నిదేవుడు
పరమపూజనీయుడు
యమరాజా త్వరపడు
అని రంతేవాసులు

4. పూజనీయుడ వీవు
అతిధివై వచ్చావు
ఉపవాస మున్నావు
ఓ నచికేతా

5. అతిధి యాకలి గొన్న
గృహమేథి ఖలుడన్న
వాని సిరి చెడునన్న
ఓ నచికేతా

6. నీ యీ యుపవాసము
నా దగు నపరాథము
నీవు క్షమియించుము
ఓ నచికేతా

7. గడచె మూడు రాత్రములు
కాన నిత్తు శుభములు
నీకు మూడు వరములు
ఓ నచికేతా

కామెంట్‌లు లేవు:

కామెంట్‌ను పోస్ట్ చేయండి

ఏ మంటారూ?